"Орлята" деп юнармейжи отрядтың ажыдыышкыны болган
Март 1-де, Шекпээр ортумак школазынга байырлыг байдалга, 25 кижи кежигүннүг 7 класстың өөреникчилериниң "Орлята" деп юнармейжи отрядтың ажыдыышкыны болган. Отрядтың удуртукчулары күш-культура башкызы Куулар Айдыс Дорофеевич база Деспилек Алдынай Александровна байырлыг сөс-биле ажыткан. Байыр чедирер сөс алыры-биле Тыва Республиканың чазааның Барыын-Хемчик кожуунда төлээзи Сергей Монгун-оолович Сарыглар, Барыын-Хемчик кожууннуң социал политика даргазының оралакчызы Айлан Маадыровна Ооржак, кожууннуң өг-бүле болгаш ажы-төл айтырыынга хамаарыштыр кол специализи Айлан Шалынмаевна Сарыглар, база Шекпээр сумузунуң администрация даргазы Артур Морозовович Ооржак киржип олурушканнар. Байырлыг хемчег бедик деңнелге эрткен.
