Барыын-Хемчик кожууннуӊ ѳкпе-хѳрек аарыгларынга удур эмнелгениӊ 50 чыл Оюнга уткуштур!
Ɵкпе аарыы дээргеле эӊ-не коргунчуг, халдавырлыг аарыгларныӊ бирээзи. Ол аарыгдан аарый берген кижи бодун чѳгенчиг, кымга-даа херек чок кылдыр миннир. Сагыш–сеткил карарып, бодавасты бодап эгелээр. Мындыг берге байдалда оларга эмнелге ажылчыннарыныӊ дузазы канчаар-даа аажок херек болур.
Аарыг кижиге эмчиниӊ чылыг-чымчак кѳрүжү, эвилеӊ-ээлдек хамаарылгазы ала чайгаар сагыш-сеткилди чылдып кээр. Шак ындыг чылыг хамаарылганы чүгле аарыг кижилерге, ажылдап келген үезинде эмнелгенин хоочуннары кѳргүзүп, кызымакай ажылдап келген. Аарыг кижилеринге ёзулуг чѳленгииш болгаш деткимче херек үелерде олар аарыг кижилерни чагып-сургап, мунгаралын үлежип, кезээде кичээнгейлигдыӊнаарынга белен.
Барыын-Хемчик кожууннуӊ ѳкпе-хѳрек аарыгларынга удур эмнелгенин 50 чыл оюнга уткуштур хоочуннарывыска (бистин аравыста чамдыызы чок-даа болза) оларнын кылган ажылы хилис барбааны, ам бо хүнде бадыткаттынып турар. Бо уеде эмнелге сайзырап, аныяк каадырлар немежип турар.Бистиӊ эмнелгениӊ хоочуннары ажылдаан үезинде, кылган ажылынга эрес-кежээ, кызымак, шудургузун кѳргүзүп келген. Оларныӊ аразында кандыызын чок дээр: уран талантылыг, аныяктарга тѳлептиг дагдыныкчы, ѳг-бүлениӊ болгаш ниитилелдиӊ тѳлептиг кежигүнү.
Бистиӊ эмнелгениӊ хоочуннарын Барыын-Хемчик кожууннуӊ ѳкпе-хѳрек аарыгларынга удур эмнелгениӊ 50 чыл Оюнга уткуштур ам-даа бистин аравыска чоруурун, арга-сүмезин кадып, удур-дедир деткижеривисти күзеп ѳг-бүлезинге болгаш амы-хууда чуртталгазынга, кадыкшылынга чедиишкиннерни күзеп артывыс.
Азиймаа Окол-ооловна Соян
Барыын-Хемчик кожууннуӊ ѳкпе-хѳрек аарыгларынга удур эмнелгениӊ
клиниктиг психологу