Бут бөмбүүнге маргылдаага ойнааштың чайынналчак I-ги черге төлептиг болган
Барыын-Хемчик кожууннуң "Хемчик" аттыг бут бөмбүүнге чыынды командазы Кызылга болуп эрткен Республика чергелиг шилилге бут бөмбүүнге маргылдаага ойнааштың чайынналчак I-ги черге төлептиг болганнар-дыр! Шылгарап артып калган 5 команданы уткаш, тиилелгени биске чаалап эккеп берген-дир. Суурувустуң 2005-2006 чылдың шыырак шилиндек оолдары Ооржак Кежик, Куулар Айыжы, Иванов Долаан, Ооржак Өлчей-Кежик, Ондар Агбаан түңнел ужуражылгаларга киришкеннер. Ооржак Кежикти, Кемерово хоорайга ойнаар шилиндек командаже база киирген. Ынчангаш, өзүп орар салым-чаяанныг спортчу оолдарывыска моон-даа соңгаар чедиишкиннерни күзеп каалынар! Эр-хейлер!
